Yanvarın dəhşətli statistikası: 5 günə 23 ölü, 84 yaralı

Azərbaycanda bayram günlərində baş verən yol qəzalarında ölənlərin və xəsarət alanların sayı açıqlanıb. Avtosfer.az bu barədə,  Baş Dövlət Yol Polisi İdarəsinin İctimaiyyətlə Əlaqələr Şöbəsinin rəisi Kamran Əliyevin oxu.az-a verdiyi məlumata görə, dekabrın 31-dən yanvarın 5-dək respublikanın avtomobil yollarında 60 yol qəzası baş verib. Nəticədə 23 nəfər ölüb, 84 nəfər yaralanıb. Təkcə yanvarın 4-də ölkə ərazisində 9 yol-nəqliyyat hadisəsi baş verib ki, nəticədə 9 nəfər ölüb, daha 15 nəfər isə müxtəlif dərəcəli bədən xəsarətləri alıb. Belə ki, ən dəhşətli yol qəzası Şamaxı rayonunda qeydə alınıb. Yük maşınının “Mercedes” markalı minik avtomobilinin üstünə aşması 6 nəfərin həyatına son qoyub.