Bakıda 61 yaşlı qadını avtomobil vuraraq qolunu sındırıb.

"Report"un məlumatına görə, hadisə Yasamal rayonunda qeydə alınıb. 20 Yanvar dairəsi yaxınlığında avtomobil yolu keçən 1961-ci il təvəllüdlü Əbdülrəhmanova Minəvvər Məşədi qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol mil sümüyünün sınığı və bədənin müxtəlif dərəcəli əzikləri diaqnozları qoyulub.

Hadisənin təfərrüatı araşdırılır.