Yola baxmadan geriyə dönən “Prius” sürücüsü “BMW”yə çırpıldı - ANBAAN VİDEO

Paytaxtın Yasamal rayonunda qeydə alınmış yol qəzası anbaan müşahidə kamerasına düşüb.

Avtosfer.az-ın məlumatına görə, hadisə bir müddət əvvəl səhər saatlarında General Həmidov küçəsində baş verib. Görüntüdən aydın olduğu kimi, 
“Toyota Prius” markalı avtomobilin sürücüsü qarşı tərəfdən gələn 99-VX-444 dövlət nömrə nişanlı “BMW” markalı maşına əhəmiyyət vermədən geriyə dönür. Bu zaman qəza qaçılmaz olur. 

Qeyd edək ki, hadisə zamanı xəsarət alan olmasa da, nəqliyyat vasitələrinə maddi ziyan dəyib.

Xatırladaq ki, qanunvericiliyə görə, sola, yaxud geriyə dönən zaman eyni səmtə gedən və qarşı tərəfdən gələn nəqliyyat vasitələrinə yol vermək lazımdır. 

Nərmin