Yük maşını avtomobili əzdi: 1 ölü, 2 yaralı

Bu gün saat 08 radələrində Bakının Qaradağ rayonunda ağır yol qəzası baş verib. Qaradağ rayon polis İdarəsindən anspress-ə verilən məlumata görə, hadisə Müşviq qəsəbəsində baş verib. Beton zavodunun yaxınlığında “VAZ-21154” markalı, 03 BG 902 nömrəli minik maşını ilə “Kamaz” markalı 99 HP 328 nömrəli yük maşını toqquşub. Qəza nəticəsində minik maşınının sürücü 1969-cu il təvəllüdlü Müşviq qəsəbə sakini İntiqam Sabiq oğlu Əsgərov yerindəcə keçinib. Avtomobildə olan sərnişinlər 52 yaşlı Elşən Məhəd oğlu Babayev və 30 yaşlı Hacıağa Əlisurət oğlu İsrafilov yaralanıblar. Yaralılar ağır vəziyyətdə xəstəxanaya yerləşdiriliblər.

Faktla bağlı cinayət işi başlanıb, araşdırma aparılır.