Yüngül mühərrikli təyyarə qəzaya uğradı; 2-si qadın olmaqla, 4 nəfər öldü  

ABŞ-da “Piper PA-46” tipli yüngül mühərrikli təyyarə qəzaya uğrayıb. Avtosfer.az xəbər verir ki, hadisə sentyabrın 20-də Texas ştatında qeydə alınıb. Bu barədə “TASS” məlumat yayıb.

Agentliyin məlumatına görə, Ostin şəhərindən Luizianaya uçan təyyarənin mühərrikində nasazlıq yaranıb və bundan sonra pilot təcili enişə keçən zaman qəza baş verib.

Hadisə nəticəsində 2-si qadın olmaqla, ümumilikdə 4 nəfər dünyasını dəyişib.

Faktla bağlı araşdırma aparılır.

Namiq Musayev