Zaqatala rayonunda xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, iki avtomobilin toqquşması nəticəsində sərnişin, 1963-cü il təvəllüdlü Abdullayeva Nazirlə Şəmsəddin bədən xəsarətləri alıb.

Yaralı təcili tibbi yardım avtomobilinin köməkliyi ilə əvvəlcə rayon mərkəzi xəstəxanasına çatdırılıb. Lakin, daha sonra Bakıda yerləşən xəstəxanaların birinə gətirilib.

Müayinə zamanı ona, sol baldır sümüklərinin yerdəyişən sınığı və bədənin müxtəlif dərəcəli əzikləri diaqnozları qoyulub. Hadisənin təfərrüatı araşdırılır.