Çox işləmək piylənməyə səbəb olur

Kvinslend Universitetinin tədqiqatçıları belə qənaətə gəliblər ki, iş saatlarının azaldılması təkcə stressi deyil, ümumilikdə sağlamlığa da müsbət təsir edir. Avtosfer.az "Yeni Sabah"a istinadən xəbər verir ki, onlarla ölkədən toplanan məlumatların təhlili göstərib ki, insanların daha uzun saatlar işlədiyi yerlərdə piylənmə səviyyəsi də daha yüksək olur. Alimlər bunu xroniki stress, idmana vaxt qalmaması və "qaça-qaça" qidalanma vərdişi ilə izah edirlər. Tədqiqatın müəlliflərinə görə, daha sərbəst qrafik insanlara daha yaxşı yatmağa, daha çox hərəkət etməyə və qidalanmasına daha diqqətli yanaşmağa kömək edir.