Salam. 1) Nömrələrdən biri itdikdə mütləq yenisi verilməlidir. 2) Qanunla Naxçıvan qeydiyyatlı şəxs Baş Dövlət Yol Polisi İdarəsinin Qeydiyyat-İmtahan idarəsində adına keçirə bilər. İmtina etsələr məhkəməyə müraciət edə bilərsiniz və ya Naxçıvana gedərək orada qeydiyyata qoymalısınız.

Salam. Rəngi dəyişdikdən sonra 25 manat qeydiyyat şəhadətnaməsinə, 30 manat isə texniki müayinəyə görə rüsum ödəyəcəksiniz. Tövsiyə edirik ki, rəngi dəyişməmişdən öncə DYP-yə müraciət edin.

Salam. Əgər normativ tələblər pozulmayıbsa cərimə edə bilməzlər. Desibelin yoxlanılması üçün rəsmi servis mərkəzlərinə müraciət edə bilərsiniz.

Salam. Qanunla olmaz. Konstruktiv bütövlüyü pozmamalısınız.

Salam. Adi ağ lampa qadağan deyil. Sadəcə onu quraşdırandan sonra işıqların düşmə bucağını tənzimlətdirin. Vaz Servisdə (Xırdalanda) 5 manata düzəldirlər.

Salam. Qeydiyyat şəhadətnaməsində DYP-nin reysterinə yazılan məlumatlar (ban, şassi, mühərrik nömrəsi, avtomobilin rəngi, tipi, mühərrikin həcmi və mühərrikin yanacaq növü) yazılmalıdır. Digər buferlə, amartizatorla, yaylarla, səs boğucu ilə bağlı məlumatların yazılması nəzərdə tutulmayıb. Bu barədə "Yol Hərəkəti Haqqında Qanun"un 28-ci maddəsində ətraflı qeyd olunub.

Salam. Sizə bu barədə "Facebook" səhifəsində ətraflı məlumat verilib.

Salam. Bəli problem yaradacaq. Yalnız ödədikdən sonra qeydiyyat əməliyyatı apara bilərsiniz.

Salam. Siz "İnzibati Xətalar Məcəlləsi"nin 96-cı maddəsini əsas gətirin. Həmin maddədə 342.5 ci maddəyə görə avtomobilin duracağa aparılması nəzərdə tutulmayıb.

Salam. Sizin avtomobil üçün səs desibeli 96 db-dir. Əgər bu desibeli keçmirsə nə 500 manat yazıla bilər, nə də 150 manat. Bu dəyişiklik isə qeydiyyat şəhadətnaməsinə qeyd edilməməlidir. Qeydiyyat şəhadətnaməsinə yalnız reysterə daxil olan məlumatlar (ban, şassi, mühərrik nömrələri, avtomobilin rəngi) qeyd edilməlidir. Yayların, amartizatorun, buferin və.s bu cür dəyişikliklərin qeydiyyat şəhadətnaməsinə yazılması qanunla qadağandır.

Salam. Sırf dediyiniz məsələyə görə məsuliyyət nəzərdə tutulmayıb. Lakin nömrəni bağlayıb məsuliyyətdən yayınmaq istəyirsinizsə, buna görə beş yüz manatdan səkkiz yüz manatadək məbləğdə cərimə nəzərdə tutulub.

Salam. Göndərdiyiniz fotodakı başlıq sadəcə görünüş üçündürsə quraşdıra bilərsiniz. Lakin bu başlıq səs desibelini artırırsa və səs normadan artıq çıxırsa qadağandır.

Salam. Bu barədə DYP-yə rəsmi qaydada şikayət edin. https://dyp.gov.az/?/az/online/ bu linkə daxil olaraq şikayət edə bilərsiniz.

Salam. 200 manat cərimə olunacaqsınız və avtomobil mühafizə olunan duracağa aparılacaq.

Salam. 1 saylı əlavədə göstərilən nasazlıqlara görə avtomobil mühafizə olunan duracağa aparıla bilməz. "İnzibati Xətalar Məcəlləsi"nin 96-cı maddəsində nasazlığa görə avtomobilin duracağa aparılması nəzərdə tutulmayıb.

Salam. Hansı istismardan gedir söhbət.

Salam. Siz ona yol verməli olduğunuz halda yol verməmisinizsə günah sizdədir. Onun içkili olmağı sizi məsuliyyətdən azad etmir. Qaydanı pozan siz olmusunuzsa, sizin sığortanız həmin maşını düzəltməlidir. Onun içkili olmasına görə də sadəcə cərimə yazılacaq. O içkili olub deyə günahı onun boynuna atmaq məsələsi yoxdur qanunda.

Salam. İşlənmiş qazların xaric etmə sistemini dəyişməmisinizsə, buna görə nə cərimə meydançasına apara bilər, nə də cərimə yaza bilər. Qanunda yazılıb ki, Mühərrikin səs gücünün artırılması məqsədi ilə nəqliyyat vasitəsinin işlənmiş qazları xaric etmə sisteminə normativ tələblər pozulmaqla avadanlığın quraşdırılmasına və ya dəyişdirilməsinə görə 500 manat cərimə yazıla bilər. Siz və ya əvvəlki sahibi avadanlıq quraşdırmayıbsa və ya dəyişdirməyibsə deməli bu maddə tətbiq edilə bilməz. Sadəcə nasazlıq kimi qeydə alına bilər. Ona görə də həmin nasazlığı aradan qaldırmalısınız.

Asanpay.az saytında elektron kabinet yaradıb oradan baxa bilərsiniz və yaxud 902 qaynar xəttinə zəng edib maraqlana bilərsiniz.

Salam. Xeyr, buna icazə yoxdur.

Salam. 150 manat cəriməsi var bunun.

Bununla bağlı yalnız videogörüntüyə baxıb nəsə demək olar. Siz DYP-yə onlayn müraciət edərək şikayətinizi bildirə bilərsiniz.

Salam. Arxa yan şüşələrə plyonka vurulmasına cənab Vilayət Eyvazov şəxsən özü icazə verib. Demək olar ki, əksər sürücülər plyonka vurub. Buna görə isə hələ heç kim problem yaşamayıb. Siz də istifadə edə bilərsiniz.

Salam. Avtomobilin duracağa qoyulması İnzibati Xətalar Məcəlləsinin 96- cı maddəsi ilə tənzimlənir. Həmin maddəni sizə təqdim edirik. Siz də oxuyun. Maddə 96. Nəqliyyat vasitəsinin idarə olunmasından kənarlaşdırma və sərxoşluq vəziyyətinin müayinəsi 96.1. Fiziki şəxslər aşağıdakı hallarda nəqliyyat vasitəsinin idarə olunmasından kənarlaşdırılır: 96.1.1. dayandırılmış nəqliyyat vasitəsini idarə edən şəxsdə və onunla birlikdə gedən sərnişinlərdən hər hansı birində sürücülük vəsiqəsi, nəqliyyat vasitəsinin qeydiyyat şəhadətnaməsi, yaxud həmin nəqliyyat vasitəsini idarə etmək hüququ verən digər əsas olmadıqda; 96.1.2. nəqliyyat vasitəsinin dövlət qeydiyyat nişanları və ya onlardan biri olmadıqda, yaxud saxta və ya qeyri-standart olduqda və ya nəqliyyat vasitəsini başqa nəqliyyat vasitəsinə verilmiş dövlət qeydiyyat nişanı ilə idarə etdikdə; 96.1.3. dayandırılmış nəqliyyat vasitəsinin mühərrik, ban və şassi nömrəsi nəqliyyat vasitəsinin qeydiyyat şəhadətnaməsindəki rəqəmlərə uyğun gəlmədikdə; 96.1.4. dayandırılmış nəqliyyat vasitəsi alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə edilməsi nəticəsində sərxoş vəziyyətdə olmasını güman etməyə kifayət qədər əsas olan şəxs tərəfindən idarə olunduqda və onunla birlikdə gedən sərnişinin nəqliyyat vasitəsini idarə etmək hüququ olmadıqda; 96.1.5. nəqliyyat vasitəsində normativ tələblər pozulmaqla avadanlıq quraşdırıldıqda və ya dəyişdirildikdə, nəqliyyat vasitəsinin ban şüşələrinə qanunla tətbiqinə icazə verilməyən örtüklər çəkildikdə, nəqliyyat vasitəsi müvafiq icazə olmadan xüsusi səs (çoxavazlı) və ya sayrışan işıq siqnalları ilə təchiz edildikdə, bu pozuntuları yerində aradan qaldırmaq mümkün olmadıqda; 96.1.6. yol hərəkəti qaydaları əleyhinə olan inzibati xətaların, yaxud bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 2 ay müddətində icra edilməməsinə görə nəqliyyat vasitəsinin saxlanılması barədə məhkəmə və ya müvafiq icra hakimiyyəti orqanının qərarı olduqda;[55] 96.1.7. İcazə verilən qabarit, çəki və yüklə birlikdə oxa düşən kütlə parametrlərinə dair tələblər pozulmaqla yüklənən iriqabaritli və ya ağırçəkili nəqliyyat vasitələri ümumi istifadədə olan avtomobil yollarında idarə edildikdə.[56] 96.2. Nəqliyyat vasitəsini idarə edən şəxsin sərxoş vəziyyətdə olmasını güman etməyə kifayət qədər əsas olduqda, onun sərxoşluq vəziyyətinin müəyyən edilməsi üçün xüsusi texniki vasitələrdən istifadə edilir. Həmin şəxs sərxoş vəziyyətdə olub-olmamasının xüsusi texniki vasitədən istifadə edilməklə müəyyən edilməsindən imtina etdikdə və ya xüsusi texniki vasitə ilə müayinənin nəticəsi ilə razılaşmadıqda, tibbi müayinəyə aparılır. 96.3. Nəqliyyat vasitəsini idarə etməkdən kənarlaşdırma barədə və sərxoşluq vəziyyətini müəyyən etmək üçün xüsusi texniki vasitələrdən istifadə etmək və ya tibbi müayinəyə göndərmək barədə protokol tərtib olunur və həmin sənədin surəti barəsində belə tədbir tətbiq edilən şəxsə verilir. 96.4. Nəqliyyat vasitəsini idarə etməkdən kənarlaşdırma barədə və sərxoşluq vəziyyətini müəyyən etmək üçün xüsusi texniki vasitələrdən istifadə etmək və ya tibbi müayinəyə göndərmək haqqında protokolda aşağıdakılar göstərilir: 96.4.1. protokolun tərtib edildiyi yer, tarix və vaxt; 96.4.2. protokolu tərtib edən şəxsin vəzifəsi, soyadı, adı, atasının adı; 96.4.3. nəqliyyat vasitəsini idarə etməkdən kənarlaşdırmanın və sərxoşluq vəziyyətini müəyyən etmənin əsasları; 96.4.4. nəqliyyat vasitəsini idarə edən şəxs barəsində məlumatlar; 96.4.5. nəqliyyat vasitəsinin tipi, markası, modeli, dövlət qeydiyyat nişanı və digər eyniləşdirmə əlamətləri barədə məlumatlar. 96.5. Nəqliyyat vasitəsini idarə etməkdən kənarlaşdırma barədə və sərxoşluq vəziyyətini müəyyən etmək üçün xüsusi texniki vasitələrdən istifadə etmək və ya tibbi müayinəyə göndərmək haqqında protokol onu tərtib etmiş vəzifəli şəxs, habelə nəqliyyat vasitəsini idarə etməkdən kənarlaşdırılan və sərxoşluq vəziyyətini müəyyən etmək üçün barəsində xüsusi texniki vasitələrdən istifadə edilən və ya tibbi müayinəyə göndərilən sürücü tərəfindən imzalanır. Sürücü protokolu imzalamaqdan imtina etdikdə, bu barədə protokolda müvafiq qeyd aparılır. Sürücünün izahat vermək və protokolun məzmunu barədə öz mülahizələrini təqdim etmək, habelə protokolu imzalamaqdan imtina etməsinin səbəblərini göstərmək hüququ vardır. Onun bu izahatı və mülahizələri protokola əlavə olunur. Protokolun surəti sürücüyə təqdim edilir. 96.6. Sərxoşluq vəziyyətini müəyyən etmənin tibbi müayinəsi barədə akt müvafiq protokola əlavə olunur.

Salam. Xeyr, heç bir qeyd aparmağa ehtiyac yoxdur. Urbanın buferi əvvəlki Nivaya getdiyi üçün heç bir problem yoxdur.

Salam. Avtomobilin bamperində qeydiyyat nişanı üçün yer harada müəyyən edilibsə, ora bağlanılmaldır.

Salam. Xeyr, qadağa yoxdur. Amma oturacağı çıxarıb sərnişin aparsanız, o halda cərimə olunacaqsınız.

Salam. 150 manat.

Salam. Bununla bağlı avtomobil mütəxəssislərinə müraciət edin.

Salam. Bununla bağlı Asan Xidmətə və Ədliyyə Nazirliyinə müraciət edin.