Kirayə mənzillərin qiyməti bahalaşır

"Kirayə mənzillərin qiyməti artır və bunun səbəbi bəllidir. Belə ki, kirayə mənzil bazarında ümumi mənzil bazarına uyğun olaraq yenilənmə baş verir".

Bunu əmlak məsələləri üzrə ekspert Ramil Osmanlı deyib. 

Onun sözlərinə görə, yenilənmə getdikcə, qiymət artımı olur: "Şəhərsalma tədbirləri çərçivəsində şəhər mərkəzinə yaxın ərazilərdə yerləşən bir və iki mərtəbəli fərdi yaşayış evlərindən ibarət olan yaşayış massivləri sökülür ki, bu da təklif portfelinin məhdudlaşmasına gətirib çıxarır. Təbii ki, təklif portfelinin məhdudlaşması yüksək tələb fonunda qiymətə təsir göstərir. Bu il ötən illə müqayisədə qiymət artımları təqribən 20 faiz civarındadır".(unikal)