Sağ zolaqda minik avtomobilinə nə icazə verilir? - Doğru cavab

Avtosfer.az saytı ötən həftənin sualının doğru cavabını və qalib olmuş oxucunun adını təqdim edir. Sual belədir:

Yaşayış məntəqəsindən kənarda yol çiyni olmadığı halda minik avtomobilinə sağ zolaqda icazə verilir:

1) Maşında gözləmək şərtilə durmasına

2) Sərnişin mindirib düşürməsinə

3) Dayanma-durma hər bir halda qadağandır

4) Sutkanın işıqlı vaxtı durmasına

5) Düz xəttlə arasındakı məsafə 3 metrdən çoxdursa dayanma və durmasına

Doğru cavab: 2) ) Sərnişin mindirib düşürməsinə

İzahı: “Yol Hərəkəti Haqqında” Qanunun 52-ci maddəsində qeyd olunub ki, yaşayış məntəqələrindən kənarda yolun hərəkət hissəsində yalnız dayanmağa icazə verilir. Durmağa yalnız yol çiynində və yoldan kənar yerdə icazə verilir.

Sualın ilk düzgün və izahlı cavabını verən Gülbaba Hüseynov adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!