“Uşaqlar yol hərəkəti qaydalarını necə bilirlər” adlı bilik yarışı keçirildi - FOTOLAR

Bakıda yerləşən 1 nömrəli Uşaq- Gənclər İnkişaf Mərkəzi və Bakı Şəhər Dövlət Yol Polisi İdarəsinin təşkilatçılığı ilə 238 nömrəli tam orta məktəbdə fəaliyyət göstərən “Yol hərəkəti qaydaları” dərnəyinin üzvləri arasında “Uşaqlar yol hərəkəti qaydalarını necə bilirlər” adlı bilik yarışı keçirilib. Avtosfer.az xəbər verir ki, bilik yarışını keçirməkdə məqsəd uşaqların yol hərəkəti qaydaları haqqında biliklərini daha da gücləndirmək və istedadlı uşaqları aşkar etməkdir.                           
Yarışda “Yol hərəkəti qaydaları” dərnəyinin üzvlərindən ibarət “Piyadalar”, “Polislər”, “Sürücülər”, “Sərnişinlər” və “Svetofor” adlı komandalar iştirak edib. 
Yarışın sonunda “Sürücülər” komandası I, “Svetofor” komandası II, “Piyadalar” komandası isə III yerin qalibi olub. 
Tədbirdə Bakı Şəhər Dövlət Yol Polisi İdarəsinin inpektoru polis kapitanı Pərvanə Muradova, 238 nömrəli məktəbin direktor müavini Dilbər Məmmədova, mərkəzin əməkdaşları Solmaz Qasımova, Fəridə Süleymanova, məktəbin müəllim kollektivi və şagirdlər iştirak edib.

Eltac