Sürücülər polisin gözü qarşısında karantin postuna "protiv" getdilər - VİDEO

Zabrat qəsəbəsində sürücülər kütləvi şəkildə yol hərəkəti qaydasını pozur. Bu barədə sosial şəbəkələrdə görüntülər yayılıb. Avtosfer.az xəbər verir ki, Zabrat yolundakı karantin postunda polis əməkdaşları sürücüləri yoxladıqları üçün sıxlıq yaranır. Bu səbəbə görə dırnaqarası tələsən sürücülər həmişəki kimi əks istiqamətə çıxaraq axına qarşı hərəkət edirlər. 

Video görüntüdən də aydın şəkildə görünür ki, 40-BO-350 qeydiyyat nişanlı "Opel" markalı avtomobil daxil olmaqla digər avtomobillərin sürücüləri 1.3 qoşa xəttin tələbini pozaraq karantin postuna əks istiqamətdə daxil olurlar. Həmin sürücülər heç polis əməkdaşlarından da çəkinmirlər.

Təbriz