Yol polisi "səyyar avtosalona" çevrilən səkini təmizlədi - FOTO

Avtosfer.az saytında paytaxtın Abbasqulu ağa Bakıxanov və Ülvi Bünyadzadə küçələrinin kəsişməsində səkinin zəbt olunması ilə bağlı yazı dərc edilmişdi. Ərazidə fəaliyyət göstərən “Salam Avto” mağazası bir neçə gün əvvəl təmirdən çıxan səkini “səyyar salonu”na çevrmişdi. Satışa təqdim olunan maşınlar səkiyə düzülərək piyadalara maneə yaradırdı.

Qısa müddət əzində Bakı Şəhər Dövlət Yol Polisi İdarəsinin əməkdaşları məsələyə müdaxilə edib. Obyekt sahibi ilə müvafiq maarifləndirici söhbət aparılıb və ona qanunvericiliyin tələbləri izah olunub. Avtomobillər ərazidən götürülüb. Obyekt sahibi bir daha bu qanun pozuntusuna yol verməyəcəyini qeyd edib. Fotoları təqdim edirik:

Fərid