Zolağa girərək avtobuslara mane olan sürücülər cərimələndi - VİDEO

Bu gün paytaxtın bir sıra küçə və prospektində avtobus zolaqlarında hərəkət edən digər nəqliyyat vasitələrinə qarşı tədbirlər həyata keçirilib.

Avtosfer.az xəbər verir ki, ötən aylarda da ümumi istifadədə olan nəqliyyat vasitələrinin rahat və təhlükəsizliyini təmin etmək məqsədilə təşkil olunan xüsusi zolaqlarla bağlı vaxtaşırı maarifləndirmə tədbirləri keçirilib. Bu gün əməkdaşımız Bakı Şəhər Dövlət Yol Polisi İdarəsinin (BŞDYPİ) əməkdaşları ilə birlikdə paytaxtın Nizami rayonunda keçirilən tədbirdə iştirak edib.

Belə ki, rayonun Qara Qarayev prospektində çəkilən avtobus zolağında hərəkət edən sürücülər “Dakar” dairəsinin qarşısında saxlanılaraq inzibati məsuliyyətə cəlb ediliblər. Sürücülərə zolaqdakı qırıq-qırıq xətlərin yalnız sağa dönmə, manevr etmə üçün yerləşdirilməsi izah olunub.

Avtobus zolağındakı qırıq xətlərdən istifadə edərək zolağa daxil olan, lakin dairəyə doğru düzünə hərəkət edən sürücülər barəsində izibati protokol tərtib olunb. Çəkiliş qrupunu görən bəzi qayda pozan sürücülər ərazidən uzaqlaşmağa çalışsa da, bu mümkün olmayıb.

Qeyd edək ki, zolağa girən digər nəqliyyat vasitələri təkcə yol polis inspektorları tərəfindən deyil, həm də yollarda quraşdırılan xüsusi texniki vasitələrlə də qayda pozuntuları qeydə alınır və protokollar tərtib olunur.

Səfər