Bu institut “Toyota” aldı – 200 minə yaxın pul ödədi

S.Ə.Dadaşov adına Elmi-Tədqiqat və Layihə-Konstruktor İnşaat Materialları İnstitutu tərəfindən elan olunmuş xidməti nəqliyyat vasitələrinin satınalması üzrə tenderə yekun vurulub.

Avtosfer.az “FED.az”a istinadən xəbər verir ki, keçirilmiş satınalma nəticəsində qalib adını "Toyota-Bakı Mərkəzi" MMC qazanıb. Şirkət xidməti avtomobili 185.300 AZN məbləğində təqdim edəcək.

Qeyd edək ki, satın alınacaq avtomobilin markası "Toyota", istehsal ili 2025, rəngi qara, komplektasiyası isə 5 oturacaqlıdır.