17 000 dollara təzə “Porsche Panamera” - FOTO

“Porsche” şirkətinin Çindəki nümayəndəliyinin reklam xətası bir nəfərin işinə yarayıb. 
Avtosfer.az-ın Almaniya KİV-ə istinadla xəbərinə görə, avtomobil dileri 124 000 yuana (təxminən 17 000 dollar) “Porsche Panamera” təklif edib. Almaq istəyənlər onlayn yolla 911 yuan (127 dollar) ilkin ödəniş etməlidir. 
Elan ciddi marağa səbəb olub və yüzlərlə adam ödəniş edib. Səhvini başa düşən satıcı bir saat sonra elanı yığışdırsa da, Ştutqart məsələdən xəbər tutub. Birinci ödəniş edən şəxs dəvət olunaraq reklamdakı qiymətə avtomobil verilib. Qalan iddiaçıların behləri isə hesablarına geri qaytarılıb.
Məlumat üçün deyək ki, Çində “Porsche Panamera” təxminən 150 000 dollardır.