60-cı illərdə Azərbaycanda bağça uşaqları üçün təyyarə pulsuz idi – FOTOFAKT 
Avtodünya 24 Yanvar 2023 09:00 Oxunub 3740
60-cı illərdə Azərbaycanda bağça uşaqları üçün təyyarə pulsuz idi – FOTOFAKT 

Sovet Azərbaycanında Bakıdan uzaq rayonlarla ən çevik əlaqə vasitəsi təyyarə idi. Əgər Bakıdan Şəkiyə avtobusla təxminən 10 saata getmək mümkün idisə, aviasiya ilə yol cəmi 1 saat çəkirdi. Lakin aviasiyanın da özünəxas problemləri vardı ki, bu da ayrı söhbətin mövzusudur.

Bu günlərdə sosial şəbəkədə “Nuxa fəhləsi” qəzetindən bir elanın yerləşdirilməsi bizi 60-cı illərə qayıtmağa vadar etdi. 

Avtosfer.az xəbər verir ki, 1963-cü ilə aid elanda may-noyabr ayları üçün təyyarələrin uçuş cədvəli və şərtləri göstərilib. 
Məlum olur ki, Şəkidən hər gün Bakıya 2, Gəncə, Balakən və Zaqatalaya 1 reys var.  Bakıya uçuş təxminən 1 saat, digər nöqtələrə isə yarım saat çəkir. 
Ən əsası, 5 yaşadək uşaqlar və 20 kq yük pulsuzdur. 
Bakıya biletin qiyməti 8, Gəncəyə 5, Balakənə 3, Zaqatalaya isə 2 manatdır (əslində beynəlxalq adı sovet rublu olan valyutanın adını hər xalq öz dilində deyirdi). 5 yaşadək uşaqlar üçün gediş pusuz idi. Üstəgəl, hər sərnişin özü ilə pulsuz 20 kq yük apara bilərdi. 
Qiymətlər barədə təsəvvür yaratmaq üçün o dövrün qiymətlərinə nəzər salaq. 
1963-cü ildə Azərbaycan SSR-də şəkər tozu 94 qəpik, çuğundurdan hazırlanmış qənd 1 man, qamışdan hazırlanan qənd isə 1 manat 4 qəpik idi. 
Görəsən o dövrün qiymətləri ilə indiki təyyarə qiymətləri üst-üstə düşürmü?

Vüqar Yaşaroğlu

FOTO QALEREYA
ŞƏRH YAZ
Ad

E-mail

Şərh