Alpine, “Ferrari”nin keçmiş Ar-Ge direktorunu transfer etdi - FOTO

Fransız “Renault”un luks və performansa yönəlmiş avtomobillərini istehsal edən “Alpine”, “Ferrari”nin keçmiş Ar-Ge müdiri  və Alfa Romeo-nun baş texniki direktoru olan Philippe Krief-i transfer edib.

Avtosfer.az xəbər verir ki, hal-hazırda “Alpine”də məhsul performansı üzrə vitse-prezident olan Sovany Ang-ın, Krieflə birlikdə işləyəcəyi gözlənilir.

“Alpine”, “Porsche Cayenne”, “Porsche Cayman” və “Porsche Macan” kimi dəbdəbəli və sport modellərini hədəfləyən məhsul çeşidinə sahib olmağı planlayır. Belə ki marka, dəbdəbəli və elektromobil SUV modelləriylə ABŞ-da il ərzində 150 000 avtomobil satmağı planlayır. Onu da qeyd edək ki, 2022-ci ildə ümumi olaraq 3546 avtomobil satışını gerçəkləşdirən istehsalçının 150 000-lik hədəfi  əvvəlkindən 42 qat daha çox olacağını göstərir.

Nərmin Əkbər