Başqalarının yerinə sürücülük imtahanına girən müəllim saxlanıldı

Fransa polisi Luara departamentində sürücülük kursunun keçmiş müəllimini saxlayıb. 

Avtosfer.az-ın xəbərinə görə, müəllim başqalarının yerinə sürücülük üçün nəzəri imtahana girməkdə ittiham edilir. Onun ötən payızdan etibarən 50 nəfərin yerinə “imtahan verdiyi” üzə çıxıb. 

Saxtakarlıq mexanizmi də kifayət qədər sadə olub: o, hər iddiaçıdan 400 avro alıb, bunun yüzünü imtahan nəzarətçilərinə ödəyib.  Müəllim pul aldığı bütün iddiaçıların etimadını doğrultduğu üçün işin üstü gec açılıb.

Onunla yanaşı 2 imtahan nəzarətçisi də saxlanılıb. Saxtakarlığa yol verən dəstə üzvlərini 5 ilədək həbs və 400 min avroyadək cərimə gözləyir.

Vüqar