Çin 200 km məsafə qət edə bilən uçan avtomobil yaradıb

Çinin "GAC" şirkəti dayanıqlı hava nəqliyyatı sahəsində səylərini genişləndirərək yeni "GOVY" brendini istifadəyə verib. Yeni brend uçan avtomobillərin və əlaqəli məhsulların yaradılması, istehsalı və dəstəklənməsi üzrə ixtisaslaşıb.

Qeyd edilib ki, flaqman uçan avtomobil "Air Jet" 200 km məsafəyə qədər hava taksisi kimi uça bilir.

Bu, "GAC"ın son iki ildə ikinci uçan avtomobil konseptidir.

"AirJet", şaquli uçuş qabiliyyətinə malik uçan avtomobildir və 90%-dən çox karbon lifindən hazırlanır. (İqtisadiyyat.az )