Çində il yarıma 10 milyon elektromobil istehsal edilib

Çin elektromobil istehsalında liderliyini qoruyur. 

Avtosfer.az-ın xəbərinə görə, ölkədə elektromobil istehsalı 1995-ci ildə başlayıb. İlk illər istehsal çox da sürətli getməyib. 10 milyonuncu elektromobilin istehsalı üçün 27 il vaxt sərf edilib. 2022-ci ilin fevralında artıq 10 milyonuncu elektromobil konveyerdən çıxıb.  Növbəti 10 milyonun istehsalı üçünsə cəmi il yarım lazım gəlib. 

Ekspertlərin qənaətinə görə, bu templə gedərsə 30 milyonuncu avtomobilin istehsalı üçün heç 1 il də lazım olmayacaq. Gələn ilin fevralında artıq 30 milyonuncu maşın konveyeri tərk edəcək.