Dəbdəbənin və davamlılığın gələcəyi - “Volvo XC90 Recharge Plug-In Hybrid” Azərbaycanda!

İyunun 18-də Bakıda “Volvo Cars” Azərbaycanın rəsmi dileri “Aral Auto” “Elektra Events Hall”da keçirilən təmtəraqlı tədbirdə səbirsizliklə gözlənilən “Volvo XC90 Recharge Plug-In” T8-i təqdim edib. Tədbir avtomobil həvəskarlarını, sənaye ekspertlərini və media nümayəndələrini qabaqcıl texnologiya, incə dizayn və davamlılığa sadiqliyi birləşdirən “Volvo” üçün bir araya gətirib.

“Volvo”nun sərnişinlərin mühafizəsi prioritetinə əsaslanaraq “Volvo XC90 Recharge Plug-In” ən müasir aktiv və passiv təhlükəsizlik sistemlərinə malikdir. İntellektual toqquşma xəbərdarlığı sistemlərindən tutmuş, 360 dərəcəlik əhatəli görünüş funksiyasına qədər “XC90 Recharge” həm sərnişinlər, həm də digər yol istifadəçiləri üçün misilsiz qoruma təklif edir.

“Volvo” eyni zamanda ekoloji davamlılığa sadiqdir və “XC90 Recharge” “Plug-In Hybrid” bu vizyon üçün nümunələrdən biridir. Hibrid mühərriklə təchiz edilmiş “XC90 Recharge CO2” emissiyalarını və yanacaq sərfiyyatını əhəmiyyətli dərəcədə azaldır. Bu ekoloji cəhətdən təmiz yanaşma “Volvo”nun daha təmiz və dayanıqlı avtomobil sənayesi yaratmaq üçün daha geniş missiyası ilə üst-üstə düşür.

“XC90 Recharge” “Plug-in Hybrid” turbo və kompressorlu benzin mühərrikini elektrik mühərriki ilə birləşdirən möhkəm güc aqreqatına malikdir. Bu kombinasiyada elektrik mühərriki ani və qüsursuz sürətlənmə, yanma mühərriki isə uzun məsafələr üçün yüksəksürətli performans ilə təmin edir.

“Volvo” uzun müddətdir ki, minimalizm, funksionallıq və zərifliyi mükəmməl birləşdirən Skandinaviya dizayn fəlsəfəsi ilə məşhurdur. “XC90 Recharge” “Plug-In Hybrid” bu prinsipləri təcəssüm etdirir, geniş və rahat interyer təklif edir ki, bu da qeyri-adi lüks hissi yaradır. Avtomobilin dizaynının hər tərəfi, zərif xətlərdən tutmuş detallara qədər sakit və xoş bir sürücülük təcrübəsi yaratmaq üçün diqqətlə hazırlanıb.

“Bu gün “Volvo XC90” “Recharge Plug-In” T8 modelini təqdim etməkdən məmnunuq”, - deyə “Aral Auto” şirkətinin satış meneceri cənab Fərid Hüseynov salamlama nitqində qeyd edib. O əminliyini bildirib ki, müştərilərin gözləntiləri üstələnəcək:

“Bu avtomobil “Volvo”nun davamlılığa olan sadiqliyini təcəssüm edir, qabaqcıl hibrid texnologiyası və nəfəskəsən dizaynı ilə “XC90 Recharge” SUV seqmentində yeni standartlar müəyyən edir. Əminik ki, o, müştərilərimizin gözləntilərini üstələyəcək”.

Açılışdan sonra isə tədbir Azərbaycanda kifayət qədər məşhur olan “Band`Eros” əcnəbi musiqi qrupunun çıxışı ilə davam edib.

“Volvo XC90” “Recharge Plug-In Hybrid”in nümayişi brendin təhlükəsizlik, innovasiya və ətraf mühitin davamlılığına sarsılmaz sadiqliyini nümayiş etdirir. Bu flaqman modeli qabaqcıl texnologiyanı dəbdəbəli Skandinaviya dizaynı ilə birləşdirərək zəriflik və funksionallıq arasında harmonik tarazlıq yaradır. Hibrid mühərriki ilə “XC90 Recharge” təkcə müstəsna sürücülük təcrübəsi təqdim etmir, həm də daha yaşıl gələcəyə töhfə verir. Odur ki, artıq gələn həftədən etibarən “Volvo” sərgi salonunda bu modeli real olaraq görüb ətraflı məlumat ala biləcəksiniz.

Əlaqə:

(+994) 12 570 11 77

(+994) 51 280 29 04

(+994) 51 280 29 05

Ünvan: Babək pr., 61C