Elektromobil: Avropanın 2035-ci il hədəfi dəvəquşu siyasətinə bənzədildi

Avropada daxili yanma mühərrikli avtomobillərin istehsalının 2035-ci ildən etibarən qadağan edilməsi barədə qərar olsa da, buna şübhə ilə yanaşanlar getdikcə çoxalır. 

Avtosfer.az xəbər verir ki, Avropa Komissiyasının Hesablama Palatası real vəziyyəti, xüsusən də xammal asılılığını əsas gətirərək 2035-ci il hədəfinə çatmağı qeyri-real hesab edir. Palatanın sədri, Belçikanın keçmiş ədliyyə naziri Anmi Turtelbum bildirir ki, ilk növbədə xammal asılılığından qurtulmaq lazımdır. Rusiya qazı ilə bağlı edilmiş səhvi təkrarlamaq olmaz. 

Palata bildirir ki, dünyada avtomobil batareyalarının 76%-i Çində istehsal olunur. Avropanın istehlak etdiyi qrafitin 40%-i Çindən, kobaltın 60%-i isə Konqodan alınır. İttifaqda xammal resursları barədə ən son hesabat 12 il əvvələ aiddir. Xammal bazasını sabitləşdirmədən elektromobilə keçid üçün son tarix təyin etmək “dəvəquşu siyasətindən başqa bir şey deyil”.

Vüqar