Elektromobil istehsalını gözləyən təhlükə

Akkumulyator batareyalarının istehsalı üçün ən vacib element litiumdur. Təəssüf ki, bu xammalın qlobal ehtiyatları azdır və dünya üzrə qeyri-bərabər bölünüb. 

Avtosfer.az-ın xəbərinə görə, litium istehsalçılarının narahatlığı xammal azlığı ilə bağlı deyil. Başlıca problem lisenziya alınmasıdır. Bir çox ölkə ekoloji problemləri əsas gətirərək mədən hasilatına ya lisenziya vermir, ya da ləngidir. Bu da təbii olaraq bazarda qıtlıq və bahalaşma yaradır. 

May ayına olan statistikaya görə dünyada 45 aktiv litium mədəni var. Gələn il daha 7 mədənin istismara açılması nəzərdə tutulur. 

Lakin məsələ bununla bitmir. Filizin xalis litiuma çevrilməsi özü uzun çəkən prosesdir. 

Azərbaycana gəldikdə isə, deyə bilərik ki, ölkəmizdə bu metalın ehtiyatı yoxdur.

Vüqar