Elektromobillərin dünya çempionatı KEÇİRİLƏCƏK

Yaponiyanın paytaxtında gələn ilin martında elektromobillərin “Formula E” yarışı keçiriləcək.

Avtosfer.az xəbər verir ki, bu barədə Tokio bələdiyyəsi məlumat yayıb.

Bildirilib ki, Beynəlxalq Avtomobil Federasiyasının 10-cu “Formula E” dünya çempionatında 11 komandada 22 nəfər yarışacaq. Bu, Beynəlxalq Avtomobil Federasiyasının himayəsi altında Tokioda keçiriləcək ilk avtomobil yarışı olmaqla yanaşı, Yaponiya hökumətinin karbon emissiyasının azaldılması strategiyası çərçivəsində təşviqedici addım hesab edilir.
Qeyd edək ki, “Formula E” dünya çempionatı 2014-cü ildən başlayaraq keçirilir.

Modern.az