Ərdoğan elektrik avtomobili ilə gəzintidə - FOTO

Türkiyə prezidenti Rəcəb Tayyib Ərdoğan elektrik avtomobili ilə gəzintiyə çıxıb.

Avtosfer.az Türkiyə mətbuatına istinadən xəbər verir ki, hadisə Kocaeli şəhərində təşkil edilən texnologiya və sənaye tədbirində baş tutub. Bununla əlaqədar Türkiyə Prezidentinin rəsmi "Twitter" səhifəsində də paylaşım edilib.

"Cənnət Vətənimizin yollarında...Yerli və milli", - Türkiyə Prezidentinin paylaşımında qeyd olunur.

Qeyd edək ki, ilk Türk elektrikli avtomobilinin konsepti 100 faiz türk əqli və sənaye mülkiyyətinə sahib qlobal marka yaratmaq məqsədi ilə həyata keçirilib. Türkiyədə ilk yerli avtomobillərin - elektrik krossover SUV C seqmentinin və elektrik sedanın prototipləri 2019-cu ilin dekabrında təqdim edilib. Dörd sərnişinlə elektromobil saatda 100 km sürəti 4,8 saniyəyə yığa bilir. Mütəxəssislər Türkiyənin ilk elektomobilinin dünya bazarında rəqabətə davam gətirmək qabliyyətini yüksək qiymətləndirir. TOGG avtomobilinin 2023-cü ildən satışda olacağı bildirilir.

Nərminə Əli