Fransa məhkəməsi “Tesla”dan şikayət edən sürücüləri xərcə saldı

Bir müddət əvvəl 44 Fransa  vətəndaşı “Tesla”ya qarşı iddia qaldırmışdı. 
Avtosfer.az-ın xəbərinə görə, onlar elektromobilin batareyasının tutumunun reqlamentdə göstəriləndən aşağı olduğunu bildiriblər. Texniki pasporta görə avtomobil bir dolumla 450-580 km qət etməli olduğu halda, heç 400 km gedə bilmir. Qış vaxtı isə vəziyyət ümumiyyətlə acınacaqlı oplur. 
Müştərilər satış müqaviləsinin ləğvini və ya Teslanın qiyməti endirməsini tələb ediblər. Birinci instansiya məhkəməsi iddianı təmin etməyərək bildirib ki, batareya tutumunun reqlamentdə göstəriləndən az olması təkcə Teslaya deyil, bütünb elektromobillərə aiddir. 
Versal Kommersiya Məhkəməsi isə birinci instansiya məhkəməsinin qərarını qüvvədəs saxlamaqla yanaşı məhkəmə xərcini iddiaçıların ödəməli olduğu qənaətinə gəlib  - nə az, nə çox 40 000 avro.