Fransa məhkəməsindən “Uber”lə bağlı ŞOK QƏRAR

Fransanın Lyon Şəhər Məhkəməsi sürücülərin “Uber” şirkətinə dair iddiası üzrə işə baxaraq qərar verib.
Avtosfer.az Fransa mətbuatına istinadla xəbər verir ki, şirkət 139 sürücüyə 17 milyon avro təzminat ödəməlidir. 
Sürücülərin vəkili jurnalistlərə bildirib ki, transmilli şirkət Əmək məcəlləsinin tələblərini pozulması, işçilərin əsaslı səbəb olmadan işdən azad etməsi, onlara yerli-yersiz intizam cəzası verməsi, iş və istirahət vaxtlarının  qanunda nəzərdə tutulan həcminə əməl edilməməsi və qeyri-leqal əməyin təşkilinə görə cəzalandırılır. Bu, “Uber”lə bağlı Fransa məhkəmələrinin təyin etdiyi ən yüksək cərimədir. 
“Uber” şirkəti qərardan apellyasiya şikayəti verib.
Əslində bu, Avropada şirkətlə bağlı ilk və tək məhkəmə prosesi deyil. 2000-ci ildə Fransanın Ali Məhkəməsi “Uber”lə əməkdaşlıq edən taksi sürücülərinin “sərbəst işçi” statusunun saxta olması qənaətinə gəlmişdi. Bu qərar Avropada presedent yaradıb. 
Məhkəmə qərarı elan olunduqdan sonra “Uber” məhkəmə işində adı keçən lyonlu sürücülərin hesablarını deaktiv edib.

Vüqar