“Gelandewagen”in ən populyar versiyası tarixə qovuşur – SƏBƏB

“Mercedes” şirkəti G500 modelinin V8 mühərrikli versiyasının istehsalını dayandırır. 

Avtosfer.az-ın xəbərinə görə, səbəb ekologiya ilə bağlıdır. Bu tip avtomobillərə dünyada təzyiq ildən ilə artır. Avtomobil bundan sonra 3 litrlik V6 mühərriklə istehsal ediləcək. 

Lakin istehsalın dayanması dərhal olmayacaq. G500 modelinin final versiyası kimi 1500 avtomobil hazırlanacaq. Avtomobillərin təchizatı da standart modellərdən daha zəngin olacaq. Qiymət isə, 200 000 avrodan başlayır. 

Qeyd edək ki, G500 modelinin istehsalı 1993-cü ildə başlayıb.