Hansı daha vacibdir: Avtobus, yoxsa içki?

Avtobusların intervalının böyüməsindən şikayətlər demək olar hər gün eşidilir. Sərnişin evinə tez çatmaq istəyir ki, bu da başadüşüləndir. Sürücü də son dayanacağa tez çatıb bir neçə dəqiqəlik fasiləni qənimət bilir. Lakin bu hər zaman mümkün olmur. 

Bu gün saat 13.00 radələrində 18 saylı avtobusda rastlaşdığım hadisə göstərdi ki, kiminsə elementar intizamsızlığı cəmi 1 dəqiqə ərzində bütün nəqliyyat axınının pozulması üçün kifayətdir. Azərbaycan Prospektindən (Monolitin qarşısı) Əhməd Cavad küçəsinə dönmək istəyən avtobus sürücüsü sürprizlə qarşılaşdı. Küçənin başlanğıcında piyada səkisi üzərində dayanan 99 JP 075 nömrəli avtomobil enerji içkisi boşaldırdı. Həm də heç kimə məhəl qoymadan. 
Vəziyyət təxminən 5 dəqiqə çəkdi və uzun tıxac yarandı. Nəhayət, sürücü avtomobili irəli çəkdi, lakin bir məsəldə deyildiyi kimi, üzrü günahından betər oldu. o, avtomobili bu dəfə avtobus dayanacağıda park etdi. Sürücü də gözləyən sərnişinləri elə yolun ortasında mindirməyə məcbur oldu. bir sözlə, 1 nəfərin məsuliyyətsizliyi 2 küçədə hərəkəti iflic etdi. 

Biz əlbəttə ki hansısa mağazaya mal verilməsinə qarşı deyilik. Lakin bunu sivil formada təşkil etmək mümkündür.

Vüqar