Hitlerə və Brejnevə məxsus avtomobillər satışa çıxarıldı  - FOTO

Ukraynalı biznesmen Taras Demkura şəxsi avtomobil kolleksiyasını satışa çıxarıb. 
Avtosfer.az-ın xəbərinə görə, satışa çıxarılan avtomobillər arasında nadir “Maybach”, “Mercedes-Benz”, “Jaguar” və “Lincoln” da var.
“Maybach” kabriolet Hitlerin Ukraynadakı canişininə məxsus olub. Sovet ordusu buranı azad edərkən canişin maşını ataraq qaçıb. Avtomobili tapar bir Vinnitsa sakini onu illərlə evində gizlədib.
Kolleksiyada 1967-ci ildə ABŞ prezidenti Riçard Niksonun Brejnevə hədiyyə etdiyi “Jaguar” da yer alır. Bir haşiyə çıxaq ki, Vaşinqtona səfəri zamanı edilən bu hədiyyəni Baş katib şəxsən yoxlamışdı. Brejnevin 180 dərəcə fırlatdığı maşında Nikson qorxudan qapı dəstəyindən yapışmışdı.
Satışa həmçinin 1937-ci ildə istehsal edilmiş “Mercedes” və “Opel” də çıxarılıb. 
Kolleksiya sahibi bildirir ki, əldə edilən gəlir Ukrayna ordusunun ehtiyaclarına sərf olunacaq.

Vüqar