İdmançının qarajında 10 bahalı maşın yandırıldı

Rusiyanın Novosibirsk vilayətində 200 milyon rubl məbləğində ziyan vurmaqla yanğın törətməkdə şübhəli bilinən əcnəbi həbs edilib.

Avtosfer.az xəbər verir ki, məhkəmə cinayətin xarakteri və ağırlığını, habelə miqrantın Rusiyada qalması üçün hüquqi əsasların olmadığını nəzərə alıb.

Məlumata görə, fevralın 9-da Daçnoye şossesində sahibkar və yarış sürücüsü Dmitri Matveyevin ailəsinə məxsus qaraj və kottec yanıb.

Yanğın zamanı iki “Mercedes-Benz G-Klasse”, “Bentley Bentayga”, “Lexus RX 450”, “BMW X5”, “Toyota Land Cruiser 300”, “Porsche 911”, “Dodge Ram”, “Bentley Continental” və “Mercedes-Benz AMG GT Roadster” markalı 10 avtomobil yanıb.

Qeyd olunur ki, maşınlar bərpa olunmur. Zərər təxminən 200 milyon rubl təşkil edib.

Lent.az