İtaliyalı nazir: Elektromobilə keçid Çindən asılılığı artırır

Avtodünya 17 Fevral 2023 16:49 Oxunub 808
İtaliyalı nazir:  Elektromobilə keçid Çindən asılılığı artırır
WhatsApp kanalımıza abunə ola bilərsiniz

İtaliya Respublikasının şirkətlər və “Made in Italy” naziri Adolfo Ursonun son açıqlaması Avropa mediasında əks səda doğurub.
Avtosfer.az-ın xəbərinə görə, nazır “La Stampa” qəzetinə müsahibəsində elektrikə və hidrogenə kəskin keçidi tənqid edib.
“Elektrik din deyil, texnologiyadır. Ondan düzgün istifadə üçün neytral yanaşma lazımdır” – deyə Urso vurğulayıb.
Nazir bildirib ki, benzin və dizel mühərriklərin qadağan edilməsi ilə Rusiyadan asılılığın aradan qalxacağını düşünmək uzaqgörənlik deyil. Bunu edənlər qitəni Çin texnologiyalarından və xammalından asılı vəziyyətə gətirirlər. 
“Bizim baxışımız reallığa uyğun olmalıdır. İnnovasiyanı nəyisə dağıdaraq etmək olmaz”.
Oxşar fikirləri nəqliyyat naziri Mateo Salvini də bölüşür: “Təmiz hava və su hamını düşündürür.  Lakin bu, milyonlarla adamı işdən atmaq və minlərlə müəssisəni bağlamaq anlamına gəlmir. Elektrik fundamentalizmi Avropa üçün intihar, Çin üçünsə hədiyyədir”.
Salvini qeyd edib ki, Almaniya və Rumıniyadan olan həmkarları da onunla həmfikirdir.

ŞƏRH YAZ
Ad

E-mail

Şərh