“Kia” 99 min krossoveri geri çağıracaq

Koreya avtomobil istehsalçısı “Kia” 99 min “Sportage” krossoverini geri çağıracağını elan edib. Avtosfer.az xəbər verir ki, çağırış iyulun 21-dən başlayacaq.
Bu barədə “CarScoops” xəbər yayıb.
Buna səbəb isə beşinci nəsil “Sportage” modellərində əyləcin vakuum gücləndiricilərində yaranan nasazlıqdır. Bu da əyləci sıxan zamanı effektivliyin aşağı düşməsidir.
Ehtimala görə, bu nasazlıqla azı 73 “Kia” sahibi qarşılaşıb. 
Lakin istehsalçı qeyd edir ki, problemli vakuum gücləndiriciləri olan 2022-2023 “Sportage” ilə bağlı bir dənə də olsun qəza baş verməyib.

Namiq