Le Burje aeronavtika sərgisi davam edir - FOTO - VİDEO

4 illik fasilədən 54-cü Le Burje aeronavtika sərgisi Parisdə işinə başlayıb. 

Avtosfer.az-ın xəbərinə görə, aviasiya sektorunda baş verən canlanma sərgidə özünü göstərib. Elə ilk gündə Hindistanın “İndigo” loukosteri 550 təyyarə sifariş verib. Bu da sərginin tarixində rekorddur. 
125 min kvadrat metr ərazidə dünyanın 47 ölkəsindən gəlmiş firmalar məhsul və xidmətlərini nümayiş etdirir. Sərgiyə təqdim edilən təyyarə və helikterlərdə ilk növbədə yanacağa qənaət və ekoloji təmizlik ön plandadır. 
Sərginin işinə  Ukrayna müharibəsi  də təsir edib. Mülki texnika ilə paralel olaraq çox sayda hərbi təyyarə və helikopter də sərgiyə çılxarılıb. ABŞ-nin ən son model F-35 təyyarələri də nümunəvi uçuş keçirib. 
Sərginin tarixində ilk dəfə olaraq heç bir Rusiya şirkəti bura dəvət almayıb.  Sərgi sabahdan etibarən ictimaiyyətə açıq olacaq.

Vüqar