Avtomobil istehsalçısı “Mercedes-Benz” Moskva vilayətindəki zavodunu satmağı planlaşdırır.

Avtosfer.az xəbər verir ki, bu barədə "Kommersant" qəzeti öz mənbələrinə istinadla məlumat yayıb.

Nəşrin məlumatına görə, bir çox şirkət zavodu almaq üçün iddialıdır, lakin əsas favorit “Avtodom” avtomobil holdinqidir. "Mercedes-Benz Manufacturing Rus" şirkətinə məxsus olan sayt Moskva yaxınlığındakı "Esipovod"a satmaq planlaşdırılır.

"Mercedes-Benz"in Rusiya nümayəndəliyindən bildirilib ki, şirkət Rusiyada biznes qurmaq üçün müxtəlif variantları nəzərdən keçirir.

İyulun 11-də məlum olmuşdu ki, "Mercedes-Benz" artıq Rusiyadakı əmlakını satmaq imkanlarını araşdırır. Həmin vaxt alışa əsas iddiaçılar arasında “Panavto”, “Avtodom”, “Avilon” və “Major” diler şirkətləri də var idi.

Martın 3-də "Mercedes-Benz" Rusiyada istehsalını dayandırıb . Şirkətin istehsal etdiyi avtomobillərin tədarükü də dayandırılıb.