"Nissan" yeni idman avtomobilini təqdim etdi - FOTO

Yaponiyanın "Nissan" şirkətinin idman bölməsi 2024-cü il model "Z Nismo" kupesini rəsmi olaraq təqdim edib.

Avtosfer.az xəbər verir ki, bu barədə brendin mətbuat xidməti məlumat yayıb.

"Nismo" versiyası Z sportkarının adi versiyasından orijinal bamperlər, yan ətəklər və arxa spoyler, 19 düymlük "Rays" təkərləri ilə fərqlənir. Avtomobil qara, ağ, gümüşü, qırmızı və eksklüziv boz kuzov rənglərində mövcuddur. Salon "Alcantara" bəzəkli "Recaro" idman oturacaqları ilə təchiz edilib.

Kapotun altında 9 pilləli avtomatik transmissiya ilə birləşdirilmiş 420 at güclü benzin turbo mühərriki var.

"Nissan" "Z Nismo"nun satışı bu ilin sentyabrında başlayacaq. Qiyməti məlum deyil.

Valyuta.az