Niva 50 yaşınadək avtomat ötürücüsüz istehsal ediləcək

2027-ci ildə Niva avtomobilinin istehsala başlamasının 50 ili tamam olacaq. 
Avtosfer.az-ın xəbərinə görə, Avtovaz şirkəti bu modeli 50 illiyi münasibəti ilə restaylinq edəcək. Avtomobilin mühərriki yenilənəcək, dizayna da cüzi əl gəzdiriləcək. İstehsal 2027-ci ildən sonra da davam edəcək. 
Ehtimal olunur ki, avtomobilə Vesta modelinin 1,6 litrlik 106 at gücündə mühərriki quraşdırılacaq. Avtomat ötürmə isə istisna edilir. 
Bu ilin iyununda Rusiyada 3 135 ədəd Niva satılıb. Müasir standartlara uyğun olmasa belə, ucuz qiymət və aşağı istismar xərcinə görə avtomobilə tələbat yüksəkdir. 
İstehsalına 1977-ci ildə başlanan modelin kostruksiyasında yarım əsrdə çox da ciddi dəyişiklik aparılmayıb.

Vüqar