"Niva" həvəskarları bu xəbəri mütləq oxusun

Rusiyanın Avtovaz şirkəti “Niva” modelinin (VAZ-2121) istehsal müddətini qeyri-müəyyən vaxtadək uzadıb.
Avtosfer.az xəbər verir ki, qərar şirkətin son iclasında qəbul edilib. Bildirilir ki, “Niva”nın hər 2 variantı – “Legend” və “Urban”ın istehsalı Tolyattidəki zavodda davam etdiriləcək. 
Qeyd edək ki, 2000-ci ildən sonra “Niva”nın istehsalına xitam verməyə dəfələrlə təşəbbüs göstərilib. 2003-cü ildə istehsalın Qazaxıstana köçürülməsi qərara alınsa da, tələbat çox olduğundan bundan imtina edilib. 2010-cu ildəki Rusiyada utilizasiya proqramı avtomobilə uzun növbələr yaradıb. Sovet dövrünün bu məhsulu son sanksiyalar zamanı zavodun yaşamasına imkan verir. Modelin istehsalında lokallaşma dərəcəsi 90%-ə çatdığından istehsalda ləngimə yoxdur. 
“Avtorevyu” jurnalı konkret rəqəm göstərmədən yazır ki, 2021-2022-ci illərdə Azərbaycanda ən çox satılan rus avtomobili “Niva” olub. 

Görünür avtomobil 50 yaşını muzeydə deyil, konveyerdə qarşılayacaq. Yubileyə cəmi 4 il qalıb ki, bu da zaman baxımından uzun müddət deyil.

Vüqar