Otel işçisi müştərinin 2 “Lamborghini”sini yararsız hala saldı

Qəribə hadisə Avstraliyada baş verib. 
Avtosfer.az-ın xəbərinə görə, məşhur otelə qumar oynamağa gələn milyarder “Lamborghini”ni park etmək üçün açarı otel işçisinə verib. O da avtomobili eyni markadan olan digər maşına çırpıb. Məlum olub ki, hər 2 maşın eyni adamındır.
Qəza xəsarətsiz ötüşsə də, hər 2 maşına ciddi ziyan dəyib. Maşınların qiymətinə gəlincə, Sidneydə 1 “Lamborghini” 900 000 Avstraliya dollarıdır, yəni təqribən 1,2 milyon manat.