Papanın “Prius”u kimə qismət olacaq?

Panama kilsəsi Roma papası Fransiskin 2019-cu ildə ölkəyə səfər zamanı istifadə etdiyi avtomobili lotereyaya qoyub. 
Avtosfer.az xəbər verir ki, kilsə bu məqsədlə hər birinin dəyəri 10 dollar olan 700 000 lotereya buraxmaq istəyir. Şanslı şəxsə pontifikə 5 gün xidmət etmiş “Toyota Prius” qismət olacaq.
Avtomobil cəmi 14 000 km qət edib və papanın səfərindən sonra yalnız yüksək rütbəli qonaqların qarşılanmasında istifadə edilib. 
Lotereyanın şəkilişi avqusta nəzərdə tutulub. Panama kilsəsi bildirir ki, pandemiya zamanı gəlirlər azalıb və yoxsullara kömək etmək çətinləşib. Bu avtomobilin satışından əldə edilən gəlir imkansız ailələrə yardım üçün ayrılacaq.

Vüqar