“Retromobile 2023” sərgisi açılışa hazırdır - FOTO

Parisdə təşkil olunan ənənəvi “Retromobile 2023” klassik avtomobil sərgisi açılış üçün hazırdır. 
 
Avtosfer.az-ın Fransa mətbuatına istinadla xəbərinə görə, bu il 47-cisi təşkil edilən sərgidə 300-dən çox klassik avtomobilin təqdim olunması nəzərdə tutulur. Sərgidə polis avtomobilləri də nümayiş etdiriləcək. 
 
Builki sərgi məşhur Le Mans (24 Heures du Mans) yarışmasının yüzilliyinə təsadüf etdiyi üçün bu mövzuda ayrıca stend olacaq. Sərgi həm də klassik avtomobil almaq və satmaq üçün fürsət hesab edilir. Bu sərgidə dəfələrlə rekord qiymətə avtomobil satılıb.
Paris Expo mərkəzində 1-5 fevral tarixlərində keçiriləcək sərgiyə giriş qiyməti 21 avrodur (jurnalistlərə pulsuz).
 
QEYD: Avtosfer.az-ın Fransada yaşayan oxucuları və ya bu günlərdə Parisə yolu dşən azərbaycanlılar üçün praktik məsləhət: Paris Expo metronun 12-ci xəttinin “Porte de Versailles” stansiyasının çıxışında yerləşir. Tramvayla isə T2 və T3a xətləri ilə gələnlər də metro stansiyası ilə eyni adlı dayanacaqda düşməlidir.

Vüqar