Rusiyada avtomobil satışları 4 dəfə azalıb

Ukrayna müharibəsi Rusiyada avtomobil istehsalı ilə yanaşı, satışlarına da ciddi təsir edib.

Avtosfer.az-ın xəbərinə görə, Qərb şirkətləri federasiyanı tərk edib. Dolayı yolla gətirilən maşınlar isə hər kəsin cibinə deyil. 

ABŞ-nin Yeyl Universitetinin professoru Stiven Tian bildirir ki, müharibəyə qədər Rusiyada hər ay 100 minədək avtomobil (təzə və köhnə) satılırdı. İndi rəqəm 25 minə düşüb. Bu da rusların alıcılıq qabiliyyətini göstərir. 

Lakin əsas məsələ başqaıdr. Əgər ötən ilədək ruslar nadir hallarda yerli maşınları alırdılarsa, indi ən böyük tələbat Lada və Çin modellərinədir.

İndi rusiyalılar üçün Avropa avtomobilini istismar etmək çox baha, bəzən də qeyri-mümkündür. Lakin bir fakt faktlığında qalır: Çin və Rusiya brendləri keyfiyyət baxımından Federasiya vətəndaşlarını razı salmır.