Rusiyada avtomobil sənayesi Xruşov dövrünə qayıtdı

2022-ci ildə Ukrayna müharibəsindən sonra xarici şirkətlərin Rusiyanı tərk etməsi ölkənin avtomobil sənayesinə ciddi zərbə vurub. 
Avtosfer.az-ın “Rosstat”a istinadla xəbərinə görə, ötən il Federasiyada avtomobil istehsalı 67% azalaraq 450 min ədədə enib.
Müstəqil Rusiyanın avtomobil sənayesində ən ağır vəziyyət 2009-cu ildı qeydə alnmışdı. Həmin ildə ölkədə 597 000 minik avtomobili istehsal olunmuşdu (illik əsasda 59% geriləmə). Bu da 1972-ci ildən sonra ən aşağı istehsal göstəricisi idi. 
İndiki göstərici isə Xruşov dövründəkinə daha çox uyğun gəlir. 1955-ci ildə Sovet İttifaqında 445 300 ədəd avtomobil istehsal edilmişdi.