Sığorta şirkətlərinin detal problemi: işlənmiş hissələrdən istifadə etmək istəyirlər

Qərbin sanksiyalarının Rusiyanın avtomobil sənayesinə yaratdığı problemlər hamıya məlumdur. Problemdən sığorta şirkətləri də əziyyət çəkirlər. Problemin həlli ilə bağlı təkliflər isə kifayət qədər maraqlıdır. 

Avtosfer.az xəbər verir ki, qəza zamanı sığortaçı avtomobili 30 iş gününə təmir edərək sahibinə qaytarmalıdır. İndi bu müddətin 60 günə qaldırılması təklif edilir. Səbəb sanksiyalara görə detal qıtlığının xroniki hal almasıdır.

İkinci təklif işlənmiş detallarla bağlıdır. Sığortaçılar detal çatışmazlığına görə işlənmiş detallardan təmirdə istifadə edilməsi üçün hökumətdən razılıq almaq istəyirlər. Hazırda belə bir sistem qeyri-rəsmi formada, xüsusən də çətin tapılan detallarla bağlı mövcuddur. Məsələni avtomobil sahibi və sığorta agenti öz aralarında həll edir. Qanun qəbul edilsə sığorta şirkəti avtomobil sahibinin rəyini soruşmadan köhnə detaldan istifadə edə biləcək.

Vüqar Yaşaroğlu