“Skoda” loqosunu yeniləyib - FOTO

Çexiyanın “Skoda” avtomobil şirkəti loqosunu yeniləyib. Yeni emblem 2011-ci ildən istifadə edilən loqonu əvəz edib, Avtosfer.az  bu barədə Banker.az istinadən xəbər verir.

Şirkətin avtosalonlarının dizaynında və reklam materiallarında istifadə olunacaq yaşıl rəngin korporativ çalaları da dəyişdirilib. Eyni zamanda, brendin adının yazılışı da bir qədər dəyişib. Yeni şriftin əsas xüsusiyyəti “S” hərfinin içərisində yazılmış işarədir.

Yaxın gələcəkdə yeni “Skoda” loqosu internet saytlarında, reklamlarda, bukletlərdə, 2023-cü ildən isə avtomobillərdə görünəcək.