Sürücülük vəsiqəsində yeni kateqoriya

Böyük gücə malik avtomobillərin sayı artdıqca onlarla bağlı qəzalar da artır. Bunun da əsas səbəbi bir çox insanın yüz minlərlə dollar xərclədiyi avtomobili normal idarə edə bilməməsidir. 

Avtosfer.az-ın xəbərinə görə, artıq Avstraliyada bunun üçün xüsusi sistem tapılıb. Sürücülük vəsiqələrinə U kateqoriyası “Ultra High Power Vehicles” əlavə edilib, yəni ifrat yüksək güclü avtomobil. Qanuna görə mühərrik gücü 375 at qüvvəsini aşan minik avtomobilləri bu kateqoriyaya aid edilir. U kateqoriyalı vəsiqə almaq üçün əvvəlcə adi sürücülük vəsiqəsi ilə bir neçə il avtomobil idarə etmək lazımdır. Bundan sonra xüsusi təlimçilər yüksık güclü avtomoillərin idarə edilməsini öyrədirlər. 

Bu tip avtomobil sürənlər hansısa sistemi işdən ayırarsa (məs., sürüşmə əleyhinə) onu 5 min manatadək cərimə gözləyir. Bir sözlə, Avstraliya polisi premium avtomobillə avtoşluq edilməsinin qarşısını belə alır.

Vüqar