“Taksi” filmindəki kimi: Avtoxuliqan radarı aşırdı

Fransanın Marsel şəhərində polis sürət rekordçusunu saxlayıb. 

Avtosfer.az-ın xəbərinə görə, 70 km/saat sürət limiti olan ərazidə 246 km/saat sürətlə hərəkət edən avtomobilin küləyi polisin səyyar radarını aşırıb. Polis avtomobili təqib edərək saxladıqda lüks sedanı 25 yaşlı gəncin idarə etdiyi məlum olub. 

200 min avroluq avtomobil cərimə meydançasına qoyulub, sürücünün isə vəsiqəsi alınaraq iş məhkəməyə göndərilib. İndi o, sürücülük hüququndan ömürlük məhrum olmamaq üçün aylarla məhkəmələrdə sürünməli, vəkillərə pul tökməlidir.  

Bir neçə kəlmə da “Taksi” filmi barədə: sürücü filmin sonunda vəsiqəsini bərpa etdirə bilmir. Lakin ona jest olaraq yarışlarda iştirakına icazə verilir.

Vüqar