2023 “Toyota Corolla Commercial”a salam deyin

“Toyota Corolla” avtomobil istehsalı sırasında sevilən nəqliyyat vasitələrindən biri kimi tanınır. Avtosfer.az xəbər verir ki, şirkət, bu dəfə İngiltərədə “Corolla Commercial”ı yeniləyərək qarşımıza çıxır. “Toyota”,  bu modeli arxa oturacaqları çıxarılmış “Corolla Touring Sports”u təməl alaraq hazırlayır. Yeni model avtomobil beşinci nəsil hibrid ötürücü və daha üst təhlükəsizlik xüsusiyyətləri ilə təchiz edilib.
Onu da vurğulayaq ki, şirkət, avtomobilin məhsuldarlığını və səmərəliliyini artırarkən sürət qutusunun çəkisini əhəmiyyətli dərəcədə azaldıb. Belə ki, yeni güc idarəetmə bloku ilə təqdim olunan “Commercial” modeli, sistemdəki elektrik itkilərini azaltmağa kömək edən yeni ikitərəfli soyutma texnologiyası ilə gəlir. 

Nərmin Əkbər