Toyota elektrik avtomobillərin akkumulyatorlarına 5,6 milyard dollar SƏRMAYƏ QOYUR

Yaponiyanın Toyota Motor avtomobil konserni elektromobillər üçün avtonom akkumulyatorların istehsalına 730 milyard yen (təxminən 5,6 milyard dollar) investisiya yatırmaq qərarına gəlib.

Avtosfer.az xəbər verir ki, bu barədə çərşənbə günü şirkət məlumat yayıb.

Avtomobil konserninin dərc olunmuş məlumatında qeyd olunur ki, belə akkumulyatorların istehsalına 2024-2026-cı illərdə başlanması planlaşdırılır. Toyota mövcud olanları modernləşdirməyi, həmçinin Yaponiya və ABŞ-da yeni və daha səmərəli istehsal xətləri qurmağı gözləyir.

Xüsusilə, vəsaitin təxminən üçdə ikisi şirkətin Yaponiyanın Hyoqo prefekturasındakı müəssisələr kompleksinin modernləşdirilməsinə, qalan vəsait isə ABŞ-ın Şimali Karolina ştatında yerləşən istehsal müəssisələrinə yatırılacaq. (Marja)